ہر سطح پر انتخابات دسمبر میں ہوں گے۔ انتخابات کا دورانیہ ایک سال ہوگا۔ اجلاس کا نصاب (Quorum) کل ارکان کا ایک تہائی ہو گا۔ ہر سح پر انتخابات خفیہ رائے دہی کی بنیاد پر منعقد ہوں گے۔ بالائی نظم میں منتخب ہونے کی صورت میں اپنے زیریں نظم کی ذمہ داری سے بہر صورت دستکش ہونا پڑے گا۔ خالی نشست پر دوبارہ انتخاب ہوگا۔ نومنتخب ذمہ دار کے ایک ماہ تک حلف نہ اٹھانے کی صورت میں از سر نو انتخاب ہوگا۔ ترجیحا ایک میقات (Session) میں صرف ایک ہی ذمہ داری کا اطلاق ہوگا۔ معروضی حالات میں صرف شعبہ جات میں ایک زمہ داری مزید دی جاسکتی ہے۔ کسی بھی سطح پر کوئی تیسری ذمہ داری قطعا ممنوع ہوگی ۔ کسی بھی منصب کا خواہش مند رکن تنظیم انتخاب کے لیے نا اہل قرار پائے گا۔ نجویٰ یاذاتی تشہیر کی اجازت ہرگز نہ ہوگی ۔ سالانہ انتخابات میں بالائی نظم سے ایک ذمہ دار زیریں نظم میں بطور ناظم انتخاب فرائض انجام دیے گا۔ زیریں نظم میں بروقت انتخابات نہ ہونے کی صورت میں صدر بالائی نظم ذمہ دار قرار پائے گا۔ انتخاب کے موقع پر ہر ذمہ دار اپنی سالانہ کارکردگی رپورٹ ارکان سرائے دہندگان کو پڑھ کر سنائے گا اور سالانہ منصوبہ عمل کے طے شدہ مراحل پر روشنی ڈالے گا۔