تنظیم ملت پاکستان ایک انقلابی تحریک ہے۔ اس کی تاسیس انجینئر حامد اقبال پراچہ کی فکری وعملی کاوشوں کا ثمر ہے ۔ بانی تنظیم کی انفرادی اور اجتماعی کوششوں تا انجینر محمداقبال کی اور کی بدولت تنظیمی سوچ نے انگڑائی لی اور ان کی دعوت پر قافیہ تنظیم جانب منزل خراماں خراماں رواں دواں ہوا۔ انجینئر حامد اقبال پراچہ نے اس تنظیم کی کی بنیاد ۲۷ رمضان المبارک ۲۰۲۰ء کو رکھی ۔ ان کے پیش نظر لرزاں وتر ساں انسانیت کو فی زمانہ مسیحائی درکار ہے اور یہ مقصد وحید محض نعروں سے حاصل نہیں کیا جاسکتا بلکہ اس کے لیے راست فکر کے ساتھ ساتھ راست اقدام کی بھی سخت ضرورت ہے۔ اسلام اجتماعیت کا دین ہے، جس نے دہر میں انقلاب برپا کیا۔ کشمیر، بر ما اور فلسطین سے اٹھنے والی صدائیں آج پھر اسلامی انقلاب کی متقاضی ہیں۔ غلبہ دین کے احیا کے کیے ملت بیضا کو آج پھر خالد بن ولید اور اور سلطان صلاح الدین ایوبی جیسے مردان کا راور مجاہدین باصفا کی ضرورت ہے۔ یہ تنظیم اسلام کی حقانیت کا علم لے کر اٹھی ہے اور انقلابی جادہ مسافرت پر گامزن ہے۔ صالحیت اور صلاحیت کے ہتھیاروں سے لیس یہ تنظیم عدل وانصاف کی فراہمی کے لیے کوشاں ہے۔ انفرادی اور اجتماعی دفاع کا احساس اس کی روح میں جاگزیں ہے۔ یہ تنظیم تحقیق کے نشتر کو از سر نو سان پر چڑھانے کی آرزومند ہے۔ دعوت و تربیت کی بھٹی سے گزار کر ہر فرد کو اب بھی کندن بنایا جا سکتا ہے۔ ناؤ ڈوبنے سے قبل معیشت کو سود سے پاک کر کے اقتصادی کشادگی کی فضا قائم کی جاسکتی ہے۔ قرارداد مقاصد کی شقوں پر عمل درآمد کروایا جاسکتا ہے۔ خدمت خلق کو حرز جاں بنایا جا سکتا ہے۔ اخلاقی اقدار کی اشاعت و ترویج کو رو بہ عمل لایا جا سکتا ہے۔ ملک خداداد کو فلاحی ریاست بنایا جا سکتا ہے اور اسلامی میراث کی بحالی کے لیے کمر ہمت کس کر عصری تقاضوں سے نبر آزما ہوا جا سکتا ہے۔ یہ تمام مقاصد اور اہداف بآسانی اور بطریق احسن حاصل کیے جا سکتے ہیں لیکن کیسے؟ اک ذرا انسان میں چلنے کی ہمت چاہیے افتح ہماری ہوگی ۔ ان شاء اللہ !